اسلام آباد (مانیٹرنگ ڈیسک) — پاکستان نے سعودی عرب کے ساتھ تاریخی دفاعی معاہدے کے بعد افرادی قوت کی برآمدات میں دوگنا اضافہ کرنے کا منصوبہ تیار کر لیا ہے۔
عرب نیوز کے مطابق سعودی عرب میں پاکستانی ہنر مندوں اور مزدوروں کی طلب میں مسلسل اضافہ ہورہا ہے، جس کے پیشِ نظر حکومت پاکستان اس معاملي میں دلچسپی رکھتے ہیں
رپورٹ کے مطابق 2020 سے 2024 کے دوران تقریباً 18 لاکھ پاکستانی شہری روزگار کے لیے سعودی عرب گئے — جو پچھلے پانچ سال کے مقابلے میں 21 فیصد زیادہ ہیں۔
ترسیلاتِ زر میں اضافہ
سعودی عرب میں مقیم پاکستانی ورکرز کی ترسیلات بھی نمایاں طور پر بڑھی ہیں — 2020 میں 7.39 ارب ڈالر سے بڑھ کر 2024 میں 8.59 ارب ڈالر تک پہنچ چکی ہیں۔
️ ویژن 2030 اور نئے مواقع
سعودی ولی عہد کے ویژن 2030 اور فیفا ورلڈکپ 2034 کی تیاریوں کے باعث نئے اسٹیڈیمز، ٹرانسپورٹ نیٹ ورک اور انفراسٹرکچر منصوبوں میں افرادی قوت کی ضرورت میں تیزی سے اضافہ ہو رہا ہے۔
欄 پاکستانی کمیٹی اور ٹریننگ انسٹیٹیوٹ
پاکستانی حکومت نے ایک اعلیٰ سطحی کمیٹی تشکیل دی ہے جو سعودی حکام کے ساتھ اقتصادی تعلقات اور افرادی قوت کے تبادلے پر مذاکرات کرے گی۔
مزید برآں، بیورو آف امیگریشن اینڈ اوورسیز ایمپلائمنٹ سعودی عرب کے ساتھ مل کر ٹیکنیکل ٹریننگ انسٹیٹیوٹ قائم کرنے کی منصوبہ بندی کر رہا ہے تاکہ پاکستانی ورکرز کی مہارتوں کو مزید بہتر بنایا جا سکے۔