36
ہنڈائی پاکستان نے اپنی مشہور سیڈان گاڑی ایلانٹرا 2.0 لمیٹڈ ایڈیشن باضابطہ طور پر متعارف کرا دی ہے، جو جدید خصوصیات اور منفرد ڈیزائن اپ گریڈز کے ساتھ پیش کی گئی ہے۔
کمپنی کے مطابق، نئی ایلانٹرا کی بکنگ ملک بھر میں ڈیلرشپس پر شروع ہوچکی ہے، جبکہ ابتدائی قیمت 68 لاکھ 50 ہزار روپے رکھی گئی ہے۔
گاڑی میں 2.0 لیٹر MPi انجن، وائرلیس چارجنگ، سن روف، ڈوئل زون کلائمیٹ کنٹرول اور 10-وے پاورڈ ڈرائیور سیٹ جیسی سہولیات شامل ہیں۔
نیا ماڈل چار ڈرائیونگ موڈز، تین انٹیریئر رنگی آپشنز (Imperial Burgundy، Regal Cappuccino، Nobel Beige) اور اسپورٹی اپ گریڈز جیسے ریئر اسپوئلر، بلیک مررز اور شارک فن اینٹینا کے ساتھ دستیاب ہے۔
کمپنی کا کہنا ہے کہ ایلانٹرا 2.0 لمیٹڈ ایڈیشن صارفین کو جدید ٹیکنالوجی، بہتر کارکردگی اور دلکش ڈیزائن کا امتزاج فراہم کرتی ہے۔